لە درزی پەچەوە

جاده‌ چۆڵ و سێبه‌ر بوو، کات به‌یانی
ئه‌ڕۆیشتم خه‌یاڵاوی ئه‌مڕوانی

بۆ سه‌وزایی ده‌ور و پشتم،بۆ ئاسمان
بۆ شاخی به‌رز،خانووی تازه‌ دنیای جوان

ئه‌ڕۆیشتم به‌ ئه‌سپایی کش و مات
لاشه‌ سست و دڵ که‌یلی تاسه‌ و ئاوات

له‌ پڕ، نازانم چۆن سه‌رم هه‌ڵبڕی
به‌رامبه‌رم به‌ژنێک ده‌رکه‌وت،وه‌ک په‌ری

له‌گه‌ڵ ئه‌وه‌ی له‌ عا‌باوه‌ ئاڵا بوو
له‌ دیمه‌نی، شیرینی ئاشکرا بوو

باڵا بەرز و بچکۆلەپێ و ئیسکارپین
گۆرەوی و پووز سفت و سپی و ئاوریشمین

ئه‌ڕۆیم و دزه‌ی نیگام جار جارێک
له‌ ژێر عه‌بای ڕه‌شا ئه‌یدی نازدارێک

به‌ ڕه‌وتی که‌و، له‌نجه‌ی تاوس و قومری
گورج گورج،جوان جوان، ئه‌هات و جاده‌ی ئه‌بڕی

مابوی بگاته‌ ئاستم جه‌ند هه‌نگاوێ
درزێ که‌وته‌ په‌چه‌ و دیم نیگای چاوێ

ده‌ست و په‌نجه‌ و مه‌چه‌کێک و نیگایه‌ک
چی بنوسم خوایه‌ هێزی ئینشایه‌ک

قۆڵ و مه‌چه‌ک ساف و سپی وه‌ک شوشه‌
سه‌رپه‌نجه‌كان یاقووتێك بوون به‌ ورشه‌

بێینه‌ سه‌ر چاو : چاوێك ، بڵێم چ چاوێك ؟
كانیی سیحر ، ده‌ریای عیشوه‌ ، گێژداوێك

كه‌وا كه‌وته‌ به‌ر شه‌پۆلی هه‌ستی من
له‌و ڕۆژه‌وه‌ هه‌ر نوقم ئه‌بێ به‌ره‌و بن

هۆنراوە: مامۆستا گۆران
گۆرانی بێژ: قادر کابان