سەد خۆزگە بێ ئەی چاو جوان، بەجاری جاران
هەر تێکەڵ بووین بەجووت، سوبح و ئێواران
هەر وەک کەوی کۆساران، وەک بوڵبوڵی گوڵزاران
زستانی ئەمەل بۆ من بوو، وەک باغی بەهاران
لە لامان شادی و خۆشی جەم بوو
ئەوەی لامان کەم بوو هەر غەم بوو
هاوڕازی دڵ تۆ بووی، دەمسازی دڵ تۆ بووی
لە بێدەنگی ژینا، ئاوازی دڵ تۆ بووی
بێ تۆ کپ و مات و بێدەنگ، گڵشەنی ژینم
بێ تۆ لەغەمت سووتا، باغی ئەوینم
کوا دڵبەرێ وەک تۆ وا، دڵخۆش بەژیانم کا
کوانێ کچە کوردێ وەک تۆ، ئەی سوور گوڵی ئاسۆ
جێژوانی جاران ماتە و بێدەنگ
باخچەی دڵداری زەردە و بێڕەنگ
بێرەوە چاوجوانم، شادی و خوەشی ژیانم
ئەی تاقە ئەستێرەی، سەر ئاسۆی کوێستانم
بەستە : عوسمان ئەحمەدی
ئاهەنگ : حەسەن یوسفزەمانی
گۆرانی بێژ: عەلا بابا شەهابی