لایە لایە

لای لای نەمامی ژیانم، من وێنەی باخەوانم

بە دڵ ئاودێریت ئەکەم، بە فرمێسکی چاوانم

تا لە خەزانی ژینم، ئەڕزێ گەڵای ئەوینم

لە سێبەری باڵاکەت، شاد بێ دڵی خەمینم

هەوڵ بە بێ سێبەر نەبی، وەک داری بێبەر نەبی

بۆ هاوماڵ و هاوخوێنت، بێ فایە و سەمەر نەبی

لای لایت بۆ ناکەم تاکوو، بە ناز خەو بتباتەوە

یا خۆ پەژارە و خەفەت، ژینت لە بیر باتەوە

ئەمە لای لای ژیانە، دەنگ دایکی نیشتمانە

لە تاریکەشەوی ژین، ئەستێرەی رێگامانە

پێت ئەڵێ کە وریا بی، خوێنەوار و زانا بی

بۆ هاو ماڵ و هاوخوێنت، تێگەیشتوو ئاگا بی

 

بەستە : عوسمان ئەحمەدی

ئاهەنگ : حەسەن یوسفزەمانی

گۆرانی بێژ: مەزهەر خالەقی